په متحده ایالاتو کې سفر او سیاحت

په کابل کې د امریکا د متحده ایالتونو په سفارت کې د ویزې د پړاونو په اړه تازه معلومات

وروستی بدلون:  ۲۰ اگست، ۲۰۲۱

په کابل کې د امریکا د متحده ایالتونو د سفارت قونسلي برخه تړلې ده. د عادي ویزې لپاره د لېدنې وخت نشته او په سفارت کې د لېدنې ټول وختونه، د کډوالۍ د ځانګړې ویزې د پروګرام په ګډون، لغوه شوي دي.

د امریکا د باندنیو چارو وزارت ټولې هڅې، د حامد کرزي له نړیوال هوايي میدان څخه د خلکو د ایستلو لړۍ ته ځانګړي شوې دي. زموږ لومړیتوب د متحده ایالاتو وګړي، د متحده ایالاتو قانوني دایمي اوسیدونکي او پر شرایطو برابر د هغوی د کورنیو غړي دي. موږ همداراز د څو ګټګوریو کسانو ته – د سیمه ایزو کارکوونکو، د ملګرو هېوادونو او نړېوالو سازمانونو کارکوونکو ته چې موږ ورسره هوکړه لیکونه لرو، د ځانګړې کډوالۍ د ویزې لرونکو او د هغه غوښتونکو ته، د خاصې ویزې غوښتونکو ته، هغه افغانان چې د  P1/P2 د کډوالۍ پروګرامونو ته پر شرایطو برابر دي او هغه افغانان چې له ګواښ سره مخ دي – لومړیتوب ورکوو.

د کډوالۍ د ځانګړې ویزې د غوښتونکو په ګډون، د کډوالۍ د ویزې غوښتونکي د تازه معلوماتو د ترلاسه کولو لپاره باید د متحده ایالاتو د دولت رسمي ویب پاڼې لکه travel.state.gov وڅارئ. د کډوالۍ د ویزې متقاضیان چې له افغانستان څخه بهر دي کولای شي چې خپله دوسیه د پروسې د بشپړولو لپاره د امریکا د متحده ایالاتو تر ټولو نژدې سفارت یا قونسلګرۍ ته د لیږدولو غوښتنه وکړي. د دوسيې د لېږدولو لپاره مهرباني وکړئ خپله غوښتنه ددغې فورمې له لارې د ویزې ملي مرکز ته ولیږئ. https://nvc.state.gov/inquiry

موږ د هغو افغانانو د پروسس او بل ځای ته د هغوی د لیږدولو لپاره چې زموږ سره یې یا زموږ په استازي توب په تیرو کلونو کې کار کړی دی، خپلې هڅې کړندې کوو. هغه افغانان چې د کډوالۍ د ځانګزې ویزې لپاره په شرایطو برابر دي خو تر اوسه یې خپل غوښتنلیکونه ندي سپارلي هڅول کیږي چې د چارو د لا چټکټیا لپاره، خپله بشپړه بسته د ویزې ملي مرکز (AfghanSIVapplication@state.gov) ته ولیږي.

د کډوالۍ د ځانکړې ویزې د پروسس په اړه او دا چې خپلې پوښتنې له چا وپوښتئ، مهرباني وکړئ د هغو افغانانو لپاره چې د امریکا د متحده ایالاتو د دولت لخوا یا هم په استازیتوب کار کاوه، د کډوالۍ ځانګړو ویزو
ته مراجعه وکړئ.

د کډوالۍ د ځانګړې ویزې د پروګرام په اړه د عمومي مالوماتو د ترلاسه کولو لپاره کولای شئ له 0016065267594 یا   AfghanSIVApplication@state.gov اړیکه ونیسئ. د اړیکې د نیولو دغه مالومات یواځې د کډوالۍ د ځانګړې ویزې د پروګرام په اړه د عمومي مالوماتو د ترلاسه کولو لپاره دي. موږ نشو کولای پر دې شمېرې یا ایمیل باندې تاسو ته د خلکو د راویستلو یا بیړني حالت په تړاو د مرستې مالومات درکړو.

Discover America

امریکا کشف کړئ. د امریکا متحده ايالات د راسپړلو او موندلو لپاره ډېر څه لري. د متحده ايالاتو د تاريخ په اړه ډېر څه زده کړئ؛ زمونږ ځينې پارکونه او زړه راښکونکي طبیعی عجايب وګورئ؛ زمونږ هنر، معماري، د سمندر څنډې، او د خوړو او څښاکو خوندونه تجربه کړئ؛ او د موټر ځغلولو د ښايستونو، د کوره بهر فعاليتونو او لوبو يا سپورټ څخه خوند واخلئ.

We the People

USA.gov

د امریکا متحده ايالاتو د حکومت په اړه د موضوع او ادارې پر بنسټ مالومات.

Runners

Recreation.gov

په امریکا کې د غوره تفرېحي کړنو لکه بيړۍ چلولو، د طبيعت په ښکلا کې د کمپ وهلو، اوسېدلو، او پلي تګ او داسې نورو لپاره د ننوتلو لار.

Passport

Travel.State.Gov

د امریکا د متحده ايالاتو او بهرنيو اتباعو لپاره د پاسپورټونو او ويزو په ګډون، د نړيوالو سفرونو په اړه مالومات.

TSA

د تلو څخه مخکې

متحده ايالاتو ته د تګ څخه مخکې د تګ راتګ یا ترانسپورتېشن د امنيت (http://www.tsa.gov/traveler-information) ، او د متحده ايالاتو د ګمرکونو او سرحدي ساتنې (https://www.cbp.gov/travel/international-visitors/know-before-you-go) دفترونو ته سر ورښکاره کړئ.