په افغانستان کې د متحده ایالاتو سفیر جان بس

د دندې موده: د 2017 کال د دسمبر د مياشتې څخه تر اوسه

جان بس د ۲۰۱۷ کال د سپتمبر په ۲۸مه نېټه د متحده ایالاتو د سنا مجلس څخه په افغانستان کې د متحده ایالاتو د سفیر په توګه د باور رايه ترلاسه کړه.

سفیر بس د بهرنیو چارو وزارت مسلکي مامور دی او د ۲۰۱۴ څخه تر ۲۰۱۷ کال پورې په ترکیه کې د متحده ایالاتو د سفیر، د ۲۰۱۲ څخه تر ۲۰۱۲ کال پورې د بهرنیو چارو وزارت د اجرائیوی رئيس او د ۲۰۰۹ څخه تر ۲۰۱۲ کال پورې په ګرجستان کې د متحده ايالاتو د سفير په توګه دندې ترسره کړې دي. نوموړي په ۱۹۸۸ کال کې خپل ډیپلوماټیک خدمتونه پېل کړل او په عراق، ایټالیا، بلجیم او چاد کې یې د متحده ایالاتو په ماموریتونو کې کار کړی دی.

سفیر بس په واشنګټن کې په بیلابیلو ماموریتونو لکه د متحده ایالاتو د مرستیال ولسمشر ډېک چیني د کارکوونکي، د بهرنیو چارو د مرستيال وزیر سټروب ټالبوټ د دارالانشاء د مشر او سلاکار، د بهرنیو چارو وزارت د عملیاتو د مرکز د مشر په توګه او د اروپا اړوند مسایلو د تمرکز په برخه کې بیلابیلې دندې ترسره کړي دي. هغه د بهرنیو چارو وزارت له لورې د غوره دندو د سر ته رسولو په پار گڼ شمېر جایزې ترلاسه کړي دي.

نوموړی د یوې حکومتي مامورې او د متحده ایالاتو په هوایي ځواک کې د یوه افسر زوی دی. ښاغلی بس د نیویارک ایالت په شمال کې زېږېدلی دی او د سېراکیوز پوهنتون څخه یې د فراغت سند ترلاسه کړی دی. هغه په ایټالوي او فرانسوي ژبو خبرې کولای شي. نوموړي د یوې امريکایي ډیپلوماټې هالي هولزر سره واده کړی دی.