د متحده ایالات اتباعو ته پیغام: د متحده ایالاتو سفارت کابل، افغانستان (۲۷ مې ، ۲۰۲۱)

ځای: ټول افغانستان
پېښه: د مې پر ۲۴، ۲۰۲۱ د متحده ایالاتو د بهرنیو چارو وزارت د اعلامیې پر بنسټ د متحده ایالاتو اتباع امکان لري په مستقیم ډول له ټاکلو ختم شویو پاسپورتونو سره بېرته متحده ایالاتو ته راستانه شي.

که تاسو له هېواد بهر یاست او ستاسو پاسپورت د ۲۰۲۱ ز. کال د جنوري په لمړۍ نېټه یا له هغې وروسته پای ته رسېدلی وي، نو کولی شئ خپل ختم شوی پاسپورت د ۲۰۲۱ ز.کال د ډسمبر تر ۳۱ نېټې پورې په مستقیم ډول متحده ایالاتو ته د بېرته راستنېدو لپاره وکاروئ.

تاسو د دې استثنا لپاره وړ یاست که لاندې ټول شرایط موجود وي:

تاسو د متحده ایالاتو تبعه یاست.
تاسو دا مهال له هېواد بهر یاست او غواړئ په مستقیمه توګه بېرته متحده ایالاتو ته راستانه شئ.
تاسو په مستقیمه توګه متحده ایالاتو، د متحده ایالاتو قلمرو ته الوتنه کوئ یا متحده ایالات او یا هم د متحده ایالاتو قلمرو ته د مستقیم بېرته راستنېدو لپاره د بهرني هېواد له لارې لنډمهاله ترانزیت (“نښتې الوتنې”) لرئ.
ستاسو تاریخ تېر شوی پاسپورت په اصل کې د ۱۰ کلونو لپاره اعتبار درلود. یا، کله چې پاسپورت صادرېده، تاسو ۱۵ کلن یا کم عمر درلود او ستاسو پای ته رسېدلی پاسپورت د ۵ کلونو لپاره اعتبار درلود.
ستاسو ختم شوي پاسپورت زیانمن شوی نه وي.
ستاسو ختم شوی پاسپورت بدل شوی نه وي.
ستاسو ختم شوی پاسپورت ستاسو په واک (ملکیت) کې وي.

تاسو د دې استثنا لپاره وړ نه یاست که:

تاسو غواړئ له متحده ایالاتو څخه یو نړیوال مقصد ته لاړشئ.
دا مهال تاسو له هېواد بهر یاست غواړئ بهرني هېواد ته سفر وکړئ چې د پاتې کېدو موده یې د متحده ایالاتو پر لور یا متحده ایالاتو قلمرو ته د ټرانزیټې تم کېدو څخه اوږده وي.
ستاسو ختم شوی پاسپورت په اعتبار کې محدود و.
ستاسو پاسپورت ځانګړی صادر شوی پاسپورت دی (لکه ډېپلوماتیک، رسمي، خدمتي یا له لګښت پرته پاسپورت).
ستاسو تاریخ تېر شوی پاسپورت زیانمن شوی وي.
ستاسو ختم شوی پاسپورت بدل شوی وي.
ستاسو ختم شوی پاسپورت ستاسو په واک (ملکیت) کې نه وي.

که ستاسو د متحده ایالاتو پاسپورت د ۲۰۲۱ ز.کال د ډسمبر په ۳۱ نېټه یا له هغې دمخه ختم شوی وي، نو مهرباني وکړئ له سفر مخکې د خپل پاسپورت د نوي کولو د څرنګوالي په اړه د معلوماتو لپاره زموږ برېښنا پاڼه وګورئ.

هغه اقدامات چې باید ترسره شي:

د متحده ایالاتو ټول اتباع باید د خبرداري ترلاسه کولو لپاره د بهرنیو چارو وزارت د ځیرک مسافر د نوم لیکنې پروګرام (STEP) کې نوم لیکنه وکړي او ډاډ ترلاسه کړي چې په بېړني حالت کې موقعیت لرلی شئ.
په افغانستان کې د کوویډ – ۱۹ ویروس د وضعیت په اړه معلومات زموږ د سفارت کووېډ-۱۹ برېښنا پاڼې ته مراجعه وکړئ.
د متحده ایالاتو اتباعو ته د وروستي خبرداري او پیغامونو لپاره زموږ برېښنا پاڼې ته مراجعه وکړئ.
د سوداګریزو الوتکو له لارې له افغانستان څخه د وتلو پلانونه جوړ کړئ.
د وتلو پلانونه ولرئ چې د متحده ایالاتو حکومت په مرستو باندې تکیه ونه لري.
په کووېډ-۱۹ پورې اړوند تر ټولو وروستي معلوماتو لپاره د CDC له برېښنا پانې سره سلا او مشورې وکړئ.
د وروستیو معلوماتو د ترلاسه کولو لپاره دا چې څه تاسو کولی شئ ترڅو په کوېډ-۱۹ باندې د اخته کېدو خطر راکم کړي، مهرباني وکړئ د CDC وروستي وړاندیزونه وګورئ.
د کوویډ ۱۹ ویروس د وروستیو معلومات په state.gov کې د کوېډ-۱۹ بحران پاڼې ته مراجعه وکړئ.
د خپل سفر پلانونو او یا محدودیتونو په اړه تازه معلومات له خپلو هوايي شرکتونو، د کښتۍ چلولو کرښو یا سفر چلوونکو سره چک کړئ.
متحده ایالاتو ته د وروستي سفر محدودیتونو په اړه د کورني امنیت وزارت برېښنا پاڼې څخه لېدنه وکړئ.

مرسته:

د امریکايي اتباعو د خدمتونو څانګه، په کابل کې د متحده ایالاتو سفارت، افغانستان، کابل ښار، د مسعود بززګ سړک، د ملي راډیو ټلویزیون او عامې روغتیا وزارت ترمنځ. . +93-700-114-000 یا +93 -700-108-00 (له رسمی وخت وروسته)

KabulACS@state.gov
https://af.usembassy.gov/