د متحده ایالاتو د خپلواکۍ ورځې په مناسبت د سفیر بس د بیانیې ترتیب شوی متن

جلالتمآب اجراییه مشر ډاکتر عبدالله، وزیرانو، سفیرانو، همکارانو، آغلو او ښاغلو

ښه راغلاست!

نن زمونږ د هېواد د ۲۴۳مې خپلواکۍ کلېزې په مناسبت ستاسو د ګډون څخه مننه کوم. د نننۍ غونډې لپاره د خپلو ملاتړ کوونکو څخه هم د زړه له کومې مننه کوم. او د باربد د غوره سندرغاړو څخه هم مننه کوم.

اجازه راکړئ چې په ټول هېواد کې هغه ټولو کسانو ته خپل د ډاډګیرینې او خواخوږۍ مراتب وړاندې کړم، کوم چې زمونږ د تېر ځل د یوځای کېدو څخه وروسته زیانمن شوي او یا یې هم په دې ترڅ کې خپل د کورنۍ غړي له لاسه ورکړي دي.

ما تېر کال په دې غونډه کې، د خپلو هغو لومړنیو مشرانو د مبارزو په اړه خبرې وکړئ چې د متحده ایالاتو د خپلواکۍ او ازادۍ مفکورې ته د رسیدلو په ترڅ له ننګونو سره مخ شول. هغوې د استعماري ځواک د دوامداره تسلط د نه غوښتلو هوکړه وکړه. مګر د هغوې لپاره دا هوګړه ډېره ستونزمنه وه چې خپل نوی هېواد څرنګه اداره کړي. یو علت یې دا و چې د توپیرونو له منځه وړل هم ستونزمن و : امریکايي انقلابي ښځو د نوې هېواد د سمبالولو او اداره کولو په مهمو بحثونو کې ګډون ونکړ.

یو د هغو مسایلو څخه چې حل نشو، هغه د غلامۍ په وړاندې د نظرونو ژور اختلاف و. دغه اختلاف مونږ ۸۵ کاله وروسته، کورنۍ جګړۍ په لور بوتلو. په دغه شخړه کې دوامداره جګړۍ وشوې چې په ترڅ کې یې لسګونه زره خلک ته مرګ ژوبله واوښته درلودل او ان په یوې ورځ کې ۲۲۰۰۰ کسان مړه او تپیان شول. په هغه وخت کې زمونږ د هېواد نفوس د ننې افغانستان په اندازه و.

زمونږ غوره ولسمشر، ابراهیم لنکن چې په هغو ټورو ورځو کې د متحده ایالاتو مشري کوله، وویل:”امریکا به هیڅکله د بهر څخه و نه نړېږي.که چېرې مونږ خپله ازادي له لاسه ورکړو، لامل به يې دا وي چې مونږ خپله خپل ځان نړولی دی.” هغو اغیزناکو او له احتیاطه ډګو خبرو د جګړۍ څخه وروسته متحده ایالات تر ۱۵۰ کلنو رهبري کړه. زه هیله مند یم چې په دغو حساسو شېبو د هېواد په ګوټ ګوټ کې افغانان دغو اندېښنو ته پام وکړي. څومره چې جګړه بې رحمه ده په هماغه اندازه د تلپاتې سولې راوستل هم ستونزمن دي.

افغانانو د تاریخ په اوږدو څو ځلې ثابته کړئ ده چې څنګه د بهرنیانو د مداخلې پرته خپلې کورنۍ چارې سمبال کړي. افغانانو په مېړانه د شوروې اتحاد یرغل ته ماته ورکړه. تاسو به راسره موافق یاست چې د افغانستان ځینې ستونزې د کور په ننه دي، د زیاترو افغانانو ناتواني چې تنوع ته د ځواک په سترګه وګوري، ګډو ګټو او د ټولنې او کورنۍ ترڅنګ د ملي ګټو د ملاتړ لپاره لار هواره کړي، او داسې تفاهم او په ګډه کارکولو ته اماده شي چې د ټولو افغانانو لپاره ګټور وي.

ولې دا چاره ډېره مهمه ده؟ که چېرې دغه مشران چې نن شپه دلته دي او کوم چې په ټول هېواد کې شتون لري، د دغو فرصتونو څخه ګته پورته کړي او دغه ویرونکې جګړه پای ته ورسوي، نو اړتیا لیدل کېږي چې تاسو تفاهم او جوړ جاړی وکړئ. زمونږ د هېواد بنسټ اېښودونکی او لومړي دیپلومات بنجمن فرنکلن وایی: “د تفاهم کوونکو څخه اتلان نه جوړېږي خو غوره ولسواکۍ رامنځته کوي.” افغانستان په تېرو ۴۰ کلونو کې بې شمېره اتلان د جګړۍ دګر ته لېږلي دي. مګر په کافي اندازه یې تفاهم کوونکي نه دي روزلي چې د راتلونکو ۴۰ کلونو لپاره خپل جمهوریت خوندي کړي.

څرنګه چې تاسو په راتلونکو څو میاشتو کې په لړ کې – کوم چې سیاسي هوکړې ته د رسېدو او د نوي ولسمشر د ټاکلو لپاره ښه فرصت ګنل کېږي – نو لازمه ده چې تاسو خپلمنځي تفاهم ته تیار شئ. د متحده ایالات، زمونږ د ناټو متحدین او نور ملګري نشي کولی چې د زیاتره افغانانو ترمنځ هغه ستونزې حل کړو چې د دوی د ویش لامل شوي دي. یوازې تاسو په یوځای کارکولو سره کولی شي چې دغه ستونزې حل کړئ. مونږ د ولسمشریزو ټاکنو د باوري پایلو تضمین نشو کولو – یوازې تاسو دغه کار کولی شئ. او مونږ دا پریکړه هم نشو کولای او نه یې هم کوو چې تاسو د طالبانو سره څرنګه تفاهم وکړئ او هغوې تاسو سره څرنګه تفاهم وکړي ترڅو دغه جګړه پای ته ورسېږي.

مګر امریکایان دا کولای شي چې ستاسو ملګري او شریکان پاتې شي. مونږ به د هغه افغان نارینه او ښځینه څخه ملاتړ وکړو چې د دغو سختو ستونزو د حل لپاره په ګډه کار وکړي کړي او سولې ته د رسیدلو لپاره مهمې پریکړې وکړي. کومو کسانو چې د تېرو لسیزو په جګړو او وروستیو غمجنو پیښو په ترڅ کې خپل ژوند له لاسه ورکړي، د کډو ګټو د موندلو لپاره د دغه هڅو مستحق دي.

نن شپه ستاسو د ګډون څخه یو ځل بیا مننه کوم. مونږ په دغه ټولنه کې د هر هغه چا سره د کار کولو لپاره ژمن یو چې د یو داسې افغانستان جوړ کړی چې ټولو وګړو ته د باعزته او سوله‌ایز ژوند کولو زمینه برابره کړي.